Хонолулу, 25 декември 2024 (МИА) – Вулканот Килауеа на Големиот остров на Хаваи синоќа, втор ден по ред, еруптираше. Тоа е трета ерупција оваа година.

Вулканот исфрли големо количество лава. Ерупцијата се случи во подрачје што е затворено за јавност од 2007 година поради нестабилност на ѕидовите на кратерот и одрон на камења.

Во Националниот парк „Хаваи вулкани“ лоцирани се врвовите на двата најактивни вулкани во светот, Килауеа и Мауна Лоа. Килауеа веќе еруптираше во јуни и септември оваа година.

Од 2020 година вулканот Килауеа еруптираше шестпати. ми/

фото: ЕПА