Манчестер, 26 декември 2024 (МИА) - Менаџерот на Манчестер Сити, Пеп Гвардиола го опиша настапот на шампионот на домашен терен против Евертон како „брилијантен“.

Граѓаните повторно не успеаја да победат и останаа со само една победа во последните 13 натпревари во сите натпреварувања.

Сепак, Шпанецот категорично одбива да ги обвини своите играчи за резултатите.

-Одигравме навистина добро, но сега сме во период кога создаваме шанси, но при првата прилика на противникот примаме гол. Но, ние продолжуваме понатаму. Настапот против овој тим беше добар и во офанзива и во дефанзива. Имавме многу удари од шеснаесетникот, но за жал, не можевме да го постигнеме резултатот што го посакувавме. Резултатот не е добар, но изведбата беше брилијантна, изјави Каталонецот по мечот. дс

Фото: Архива