Kiev, 25 shtator 2023 (MIA) - Tanket amerikane Abrams arritën në Ukrainë, deklaroi sot presidenti ukrainas, Vollodimir Zelenski.

"Lajme të mira nga ministri (i Mbrojtjes, Rustem) Umerov. Tanket Abrams tanimë janë në Ukrainë dhe po përgatiten t'i përforcojnë njësitë tona", publikoi Zelenski në kanalin e tij në Telegram.

Presidenti amerikan, Xho Bajden javën e kaluar deklaroi se tanket e para amerikane Abrams do t'i dërgohen Ukrainës këtë javë.

Presidenti ukrainas javën e kaluar kumtoi se Ukraina së bashku me SHBA-në do të prodhojë armë, duke përfshirë edhe sisteme për mbrojtje kundërajrore. bsh/

Foto: MIA arkiv