Paris, 9 prill 2026 (MIA) – Të paktën 235 gazetarë dhe punonjës mediatik palestinez janë vrarë, një numër i madh janë plagosur, ndërsa shumë janë zhdukur gjatë luftës në Rripin e Gazës. 

Federata Ndërkombëtare e Gazetarëve (IFJ) dhe Sindikata Palestineze e Gazetarëve (PJS) i dënuan vrasjet dhe sulmet ndaj gazetarëve dhe punonjësve mediatikë dhe kërkuan hetim urgjent. 

Në kushte të tilla të rrezikshme, IFJ u kujton gazetarëve në terren të marrin masa paraprake, të veshin pajisje mbrojtëse profesionale dhe të mos udhëtojnë nëse kompania mediatike nuk u siguron atyre të gjitha pajisjet e nevojshme të sigurisë profesionale për raportim. Asnjë histori nuk është aq e vlefshme sa jeta e një gazetari, thuhet në kumtesën e IFJ-së.

IFJ në bashkëpunim me Sindikatën Palestineze të Gazetarëve po tenton t’i konfirmojë informacionet dhe t’i dokumentojnë të gjitha vrasjet. 

Federata Ndërkombëtare e Gazetarëve publikoi listën e gazetarëve dhe punonjësve mediatikë të vrarë nga fillimi i luftës në Rripin e Gazës. fc/

Foto: Arkivi i MIA-s