Kiev, 25 gusht 2024 (MIA) - Presidenti i Ukrainës, Volodimir Zelenski paralajmëroi se po zhvillohen negociata me Arabinë Saudite, Katarin, Turqinë dhe Zvicrën për samitin e dytë të paqes. Presidenti ukrainas këtë e ka bërë të ditur në një bisedë me gazetarët indianë të publikuar sot në rrjetin e tij social.

Zelenski është shprehur se kryeministrit indian Narendra Modi i ka thënë se do ta mbështesë Indinë që të jetë nikoqir në samitin e dytë të paqes.

“Por, dua të jem i sinqertë dhe kjo nuk ka të bëjë vetëm me Indinë, por edhe për çdo vend që është pozitiv si nikoqir për samitin e dytë: ne nuk do të mund të organizojmë samit të paqes në një vend që nuk është e anëtarësuar në komunikatën e samitit të kaluar të paqes”, theksoi ai.

Presidenti ukrainas shtoi se në takimin me Modin të premten ka biseduar për samitin e parë paqësor, si dhe për të gjitha pikat e komunikatës.

Foto EPA