Kiev, 17 dhjetor 2024 (MIA) – Presidenti ukrainas Volodomir Zelenski deklaroi se Ukrainës i nevojiten edhe 12 deri 15 sisteme për mbrojtje kundërajrore për mbrojtje të plotë nga sulmet ajrore ruse. 

Duke folur në samitin e Forcave të Bashkuara Ekspeditore (JEF), Zelenski përkujtoi në sulmet e intensifikuara ruse ndaj infrastrukturës energjetike të Ukrainës të premten e kaluar. Ai theksoi se Ukraina është mbrojtur me sukses, por paralajmëroi se Rusia do të sulmojë përsëri. 

“Për këtë na nevojitet mbrojtje nga terrori ajror, që nënkupton sisteme të mjaftueshme për mbrojtje kundërajrore. Nevojitet realizim i plotë i marrëveshjeve nga samiti i NATO-s në Uashington”, theksoi Zelenski. 

Ai shtoi se Ukraina ka marrë premtime të rëndësishme për këto sisteme si kompensim për pamundësinë që të përfshihet në NATO. fc/

Fotografia: EPA