Athinë, 1 nëntor 2024 (MIA) - Një djalë trevjeçar humbi jetën pasi u plagos për vdekje në pjesën e kokës, kur ndaj makinës në të cilën ndodhej së bashku me prindërit e tij, në një vendbanim në pjesën lindore të rajonit Atikë, rajoni më i gjerë i Athinës, u hap zjarr nga persona ende të panjohur, njoftoi korrespondentja e MIA-së nga Athina.

Sipas informacioneve të para jozyrtare në Greqi, mbi automjetin u qëlluan mbi 20 plumba, në të cilën ndodhej familja, ndërsa një nga plumbat e ka goditur fëmijën në kokë dhe ai është transferuar me urgjencë në spital me lëndime serioze, por mjekët nuk arritën ta mbanin në jetë.

Mediat greke shkruajnë se bëhet fjalë për një familje rome, ndërsa nuk është përjashtuar mundësia të bëhet fjalë për larje hesapesh. rq/bsh/

Foto: arkivi i MIA-s