Ankara, 20 dhjetor 2023 (MIA) - Vlera e dëmeve të shkaktuara nga tërmetet në Turqi në muajin shkurt llogaritet në 110 miliardë dollarë, njoftoi ministri turk i Mjedisit, Planifikimit Urbanistik dhe Ndryshimeve Klimatike, Mehmet Ozhaseki.

Sipas ministrit, tërmetet e 6 shkurtit të këtij viti në Turqinë jugore prekën drejtpërdrejt 14 milionë njerëz në 18 qytete dhe rrethinat e tyre.

"Në rajonin ku ndodhi fatkeqësia, kemi vlerësuar dëmet e objekteve me gjithsej 6.6 milionë njësi banimi", tha ministri, duke shtuar se 850 mijë lokacione, nga të cilat 680 mijë banesa dhe 170 mijë zyra janë dëmtuar rëndë dhe janë bërë të papërdorshme. Sipas përllogaritjeve, vlera e dëmit është 110 miliardë dollarë.

Ministri Ozhaseki tërhoqi vëmendjen me faktin se Turqia është një vend që ndodhet në një rajon sizmik aktiv.

"Turqia është një vend i prirur ndaj tërmeteve. Sipas hulumtimeve, Turqia është vendi i pestë me rrezikun më të lartë të tërmeteve përgjatë vijës që shtrihet nga Alpet deri në Himalaje.  Janë të rrezikuara 66 për qind e territorit të vendit tonë dhe 71 për qind e qytetarëve tanë nga tërmetet e shkallës 1 dhe 2. Në shekullin e kaluar jemi tronditur nga 231 tërmete me magnitudë gjashtë gradë ose më shumë", theksoi ministri dhe shtoi se Turqia ka humbur gjithsej 130 mijë njerëz në tërmetet e shekullit të kaluar.

Në lidhje me aktivitetet e vazhdueshme rindërtuese pas dy tërmeteve shkatërruese të shkurtit, ai tha se vazhdon ndërtimi i 250 mijë shtëpive. Ai theksoi se janë vendosur katër kritere që në asnjë rast nuk do të anashkalohen, përkatësisht: të mos ndërtohet në linjat e prishjes, të mos lejohet ndërtimi në vendet me lëngëzim të tokës, të mos ndërtohet në vendet ku ka shtretër dhe kanë “tolerancë zero” në lidhje me shërbimet arkitektoniko-inxhinierike.

"Sot në gjithë Turqinë ka 36 milionë prona rezidenciale dhe tregtare (31 milionë shtëpi dhe pesë milionë hapësira komerciale), gjashtë prej të cilave milionë janë aktualisht të kërcënuara, tha ai, duke shtuar se dy milionë prej tyre duhet të transformohen urgjentisht. mb/