Kiev, 12 mars 2024 (MIA) - Ministria e Punëve të Jashtme e Ukrainës i ka bërë thirrje nunciut papal të shprehë "zhgënjim" për shkak të deklaratave e Papa Françeskut se Ukraina duhet "të tregojë guximin e flamurit të bardhë" dhe të fillojë negociatat me Rusinë për t'i dhënë fund luftës dyvjeçare.

Ambasadorit të Papës në Ukrainë, kryepeshkopit lituanez Visvaldas Kulbokas, iu tha se Papa duhet të përmbahet nga deklaratat që legalizojnë të drejtën për pushtet dhe inkurajojnë mosrespektimin e mëtejshëm të normave të së drejtës ndërkombëtare, thuhet në njoftimin e ueb faqes së Ministrisë.

Në njoftim thuhet se Papa pritet t'i dërgojë sinjale komunitetit botëror për të bashkuar menjëherë forcat për të siguruar fitoren e së mirës mbi të keqen.

"Ukraina kërkon paqe si asnjë vend tjetër. Kjo paqe, megjithatë, duhet të jetë e drejtë dhe e bazuar në parimet e Kartës së KB-së dhe formulën e paqes të propozuar nga Presidenti i Ukrainës, Volodimir Zelenski", thuhet në njoftim. 

Zelenski të dielen hodhi poshtë komentet e Papës, edhe pse nuk e përmendi konkretisht. Ai tha se figurat fetare nuk duhet të përfshihen në ndërmjetësimin virtual midis dikujt që dëshiron të jetojë dhe dikujt që dëshiron të shkatërrojë.

Plani i paqes i Zelenskit kërkon tërheqjen e trupave ruse dhe kthimin e kufijve të Ukrainës nga viti 1991. Moska thotë se nuk mund të mbajë asnjë bisedë në kushte të tilla. qa

Foto: Arkivi i MIA-s