Pekin, 24 korrik 2024 (MIA) - Kievi është i gatshëm të negociojë me zyrtarët rusë kur Moska të jetë gati të mbajë bisedime "me vullnet të mirë", deklaroi në Kinë ministri i Punëve të Jashtme të Ukrainës, Dmitro Kuleba.

"Dmitro Kuleba përsëriti qëndrimin konsistent të Ukrainës se ajo është e gatshme të negociojë me palën ruse në një fazë të caktuar, kur Rusia të jetë e gatshme të negociojë me vullnet të mirë, por theksoi se aktualisht nuk ka gatishmëri të tillë nga ana e palës ruse". thuhet në kumtesën e MPJ-së së Ukrainës.

Kuleba sot është për vizitë në Kinë ku bisedoi me ministrin e Punëve të Jashtme të Kinës Vang Ji. Ai paraprakisht sot tha se dëshiron të gjejë "gjuhë të përbashkët" në bisedimet me homologun e tij kinez për t'i dhënë fund luftës së Ukrainës me Rusinë. Kjo është vizita e parë e ministrit të Punëve të Jashtme të Ukrainës në Kinë që nga fillimi i luftës në vitin 2022. rq/bsh/

Foto: arkivi i MIA-s