Kiev, 3 nëntor 2024 (MIA) - Forcat ukrainase për mbrojtje kundërajrore i hasën të gjitha fluturaket pa pilot me të cilat Rusia e sulmoi Kievin mbrëmë, kumtuan mediumet ukrainase, duke iu referuar zyrtarëve ukrainas.

Administrata ushtarake e qytetit të Kievit kumtoi se mbetjet e dronëve të hasur kanë rënë në dy rajone të kryeqytetit ukrianas.

Shumica e fluturakeve ruse pa pilot arritën nga verilindja, duke iu afrua Kievit nga anë të ndryshme.

Gjatë natës dy herë u aktivizua alarmi, i cili zgjati gjithsej pesë orë e gjysmë.

Në lagjen Shevçenko në Kiev, mbetjet nga dronët e rrëzuar e dëmtuan sipërfaqen e rrugës, ndriçimin rrugor dhe infrastrukturën për energji elektrike. Së paku pesë ndërtesa patën dyer dhe dritare të thyera nga vala goditëse.

Nuk ka informata për të lënduar. ab/

Foto: ЕPА