Kiev, 16 maj 2023 (MIA) - Igor Zhovkva, Zëvendësshefi i kabinetit të presidentit ukrainas,  sot deklaroi se Ukraina nuk ka pajisje të mjaftueshme ushtarake për të filluar një kundërofensivë kundër Rusisë.

“Për të filluar një kundërofensivë, rezultati i së cilës është çlirimi i territoreve të Ukrainës, ju nevojiten sisteme të mjaftueshme artilerie dhe municione. Ju duhen automjete të blinduara dhe tanke. Duam që kjo kundërofensivë të jetë sa më e suksesshme”, tha bashkëpunëtori i presidentit ukrainas Volodimir Zelenski. 

Ai tha se Zelenski i ka vizituar fqinjët evropianë, si dhe Britaninë e Madhe, Gjermaninë dhe Italinë me "qëllimin kryesor për të kërkuar ndihmë ushtarake shtesë", raporton Skaj njuz.  

 “Fatkeqësisht, niveli i pajisjeve që kemi ende nuk është i mjaftueshëm për të filluar një kundërofensivë", thekson Zhovkva.

 Në pyetjen për iniciativën paqësore të liderëve afrikanë, Zhovkov u përgjigj se e vetmja zgjidhje e përshtatshme është ajo ukrainase. Presidenti i Afrikës së Jugut Kiril Ramafosa deklaroi se presidentët e Rusisë dhe Ukrainës kanë rënë dakord të bisedojnë një plan për t'i dhënë fund luftës në Ukrainë me delegacionin e shefave të shteteve afrikane në takime të ndara. ar/

 Foto: Arkivi i MIA-s