Shkup, 14 korrik 2023 (MIA) - Ministrja e Punës dhe Politikës Sociale Jovanka Trençevska sot realizoi takim lamtumirës me ambasadorin austriak Georg Vucas dhe atasheun e Ministrisë Federale të Austrisë për Çështje Sociale, Shëndetësisë, Kujdesit dhe Mbrojtjes së Konsumatorit, Harold Fuger, ku fokusi kryesor ishte integrimi evropian i Republikës së Maqedonisë së Veriut dhe harmonizimi i rregulloreve ligjore me legjislacionin e BE-së.

Siç bëri të ditur MPPS, ata biseduab për sukseset dhe bashkëpunimin e frytshëm të Ambasadës austriake dhe Ministrisë së Punës dhe Politikës Sociale, duke përfshirë çështjen e familjeve kujdestare dhe mbrojtjes sociale. 

Në fund të takimit Trençevska falënderoi ambasadorin dhe punën e tij të përkushtuar, e cila, sipas saj, i ka sjellë dobi shtetit dhe ka përmirësuar cilësinë e jetës së qytetarëve.

Ministrja gjithashtu i uroi ambasadorit ditë të këndshme të fundit në funksionin e tij në vend dhe suksese të mëdha në sfidat e ardhshme jetësore. 

 Vucas në fund t korrikut e përfundon detyrën e tij si ambasador i Austrisë në Republikën e Maqedonisë së Veriut. ar/

 Foto: MPPS