Kabul, 21 mars 2024 (MIA) - Tre persona humbën jetën, ndërsa 12 janë plagosur në një sulm vetëvrasës para një banke në qytetin Kandahar, strehë e talebanëve në Afganistanin jugor, deklaroi zëdhënësi i provincës.

"Sot në mëngjes ka pasur një sulm vetëvrasës para një banke në Kabul, tre persona humbën jetën, ndërsa 12 janë plagosur. Viktimat janë civilë", deklaroi Inamula Samangani, shefe e Departamentit për Informacione dhe Kulturë në provincën Kandahar. 

Cak i sulmit, siç shtoi, ishin njerëz të cilët kanë ardhur që t'i marrin pagat në bankë. Sulmi ka ndodhur në orën 8:00 sipas kohës lokale në qendrën e një qyteti të madh në jug të Afganistanit, përderisa vendi mysliman është në muajin Ramazan. 

Autoritetet talebane shpejtë e rrethuan zonën dhe ua ndaluan gazetarëve të fotografojnë dhe xhirojnë, siç këtë e bëjnë zakonisht. 

Personat e sigurisë dhe zjarrfikësit shpejtë e pastruan zonën nga sulmi ku shiheshin gjurmë të gjakut, rroba dhe mbetje. 

Numri i sulmeve me bomba dhe sulmeve vetëvrasëse në Afganistan dukshëm u ul pasi talebanët u kthyen në pushtet në gusht të vitit 2021 dhe është relativisht i sigurt. 

Megjithatë, grupe të shumta të armatosura, veçanërisht xhihadistët e Shtetit Islamik, ende përfaqësojnë kërcënim. 

Që nga fillimi i Ramazanit para dy javëve në Afganistan ishin regjistruar shpërthime të shumta, por talebanët konfirmuan vetëm disa. fc/

Fotografia: Arkivi i MIA-s