Prishtinë, 29 tetor 2024 (MIA) - Kryeministri i Kosovës, Albin Kurti, tre muaj para zgjedhjeve të rregullta parlamentare në Kosovë, të planifikuara për më 9 shkurt të vitit 2025, tha se nga 1 janari i vitit të ardhshëm do të fillojë rritja e pagave në sektorin publik, njoftoi korrespondenti i MIA-s nga Prishtina.

Kurti këtë e tha në konferencën e sotme për shtyp së bashku me ministrin e Financave, Punës dhe Transfereve, Hekuran Murati.

Kryeministri fillimisht prezantoi të arriturat e Qeverisë së tij, duke përmendur mbështetjen për prodhuesit dhe familjet, e cila, sipas tij, ndikoi në rritjen e aktivitetit ekonomik dhe hapjen e vendeve të reja të punës.

Ai tha se pagat rriten çdo vit siç e parashikon Ligji dhe kësaj radhe nuk do të rritet koeficienti, por njësia e tij. Siç informon ai, të gjithë punëtorët në sektorin publik nga janari do të marrin paga më të larta për 55 euro, ndërsa me rritjen e muajit korrik, pagat e të punësuarve në sektorin publik do të jenë më të larta për 110 euro krahasuar me ato aktuale.

"Duke pasur parasysh nevojën për të mbështetur ata që kanë paga më të ulëta, shkuam në maksimumin e lejuar për rritjen e pagave. Ne nuk e rrisim vlerën e koeficientit, por koeficientin me një njësi. Nga janari i vitit të ardhshëm koeficienti do të rritet për 0,5 njësi, nga korriku për 0,5 njësi të tjera... Nga janari të gjithë punëtorëve do t'u rriten pagat për 55 euro, në korrik do të jenë 110 euro", tha Kurti.

Ai shtoi se çdo vit në ekonominë e Kosovës shtohen një miliardë euro, "këtë vit kalojmë 10 miliardë, ndërsa vitin e ardhshëm do të tejkalojmë 11 miliardë".

"Për vitin 2025 niveli i shpenzimeve është 2,3 miliardë euro. Kjo nuk ishte bërë me rritjen e tatimeve për qytetarët, madje kemi përjashtuar taksat. I rritëm të hyrat nga taksat me luftën kundër kontrabandimit", tha Kurti.

Sipas tij, ka edhe rritje të numrit të vendeve të punës dhe "për momentin ka 75.000 vende të reja pune".

Me hyrjen në fuqi vitin e ardhshëm do të rrisim buxhetin e pagave. Norma e rritjes do të rritet vitin e ardhshëm. Rritja për çdo vit duhet të jetë në përputhje me rritjen ekonomike dhe fatmirësisht në qeverisjen tonë kemi treguar se dimë të qeverisim brenda vendit", tha Kurti. sa/