Uashington, 3 mars 2025 (MIA) - Presidenti i SHBA-së, Donald Trampi sot deklaroi  se Uashingtoni "shumë gjatë nuk do të tolerojë" deklaratat e presidentit ukrainas Volodimir Zelenski për përfundimin " e largët" të luftës me Rusinë.

Në profilin e tij në rrjetin social Trut, Trampi ndau një lajm në të cilin Zelenski thekson se përfundimi i luftës me Rusinë ishte "shumë, shumë larg" dhe e quajti "deklaratën më të keqe që Zelenski mund të kishte bërë". 

"Kjo është ajo që e thashë, ky njeri nuk do paqe përderisa ka mbështetjen e Amerikës, ndërsa  Evropa e bëri të qartë në takimin me Zelenskin se ata nuk mund të bëjnë asgjë pa SHBA-në". Ndoshta jo një deklaratë aq e mirë që synon të tregohet forcë kundër Rusisë. Çfarë  menduan ata?", ka shkruar Trampi.

 Vizita e Zelenskit në Shtëpinë e Bardhë të premten u ndërpre pasi ai pati një debat të ashpër me Trampin dhe nënpresidentin amerikan Xhej Di Uens, të cilët e akuzuan për "mosrespektim" gjatë   takimit në Zyrën Ovale. Pas kësaj, lideri ukrainas u largua nga Shtëpia e Bardhë pa koment, dhe Trampi ka shkruar  se Zelenski nuk ishte gati për një zgjidhje paqësore të konfliktit ukrainas dhe se ka treguar mungesë respekti ndaj SHBA-së.

Foto: Arkivi i MIA-s