Nju Jork, 24 shtator 2024 (MIA) - Donald Tramp tha se Irani duhet të bëhet “copë-copë” nëse Republika Islamike është e përfshirë në dëmtimin e një kandidati presidencial apo ish-presidentit amerikan, pasi zyrtarët e inteligjencës amerikane paralajmëruan për kërcënimet nga Teherani kundër jetës së republikanit.

"Nëse do të isha president, do ta njoftoja vendin kërcënues, në këtë rast Iranin, se nëse bëni diçka për të dëmtuar këtë person, ne do t'i shkatërrojmë qytetet tuaja më të mëdha dhe vetë vendin tuaj," tha Tramp në një ngjarje nga fushata në Karolinën e Veriut. ls/