Uashington, 25 tetor 2024 (MIA) - Ish-presidenti amerikan dhe kandidat republikan për president të ri të SHBA-së, Donald Tramp, mbrëmë deklaroi se presidenti kinez Si Xhinping do të sillet me nënpresidenten Kamala Haris "si me foshnjë" nëse ajo zgjidhet në Shtëpinë e Bardhë dhe se do të ngjajë si "mjeshtër i madh shahu që luan me një fillestar".

 "Nëse Kamala disi fiton, do të duhet të merret me Si Xhinpingin", tha Trampi, duke folur në një emision në radio për presidentin kinez, raportojnë mediat amerikane.

 Në pyetjen e prezantueses, si presidenti kinez do të manipulonte me Harrisin, Trampi u përgjigj "si me foshnjë". 

 "Ai shumë shpejtë do t'i marrë të gjitha sheqerkat. Ajo nuk do të ketë idenë se çfarë i ka ndodhur. Kjo do të jetë si një mjeshtër i madh i shahut që luan me një fillestar", tha Trampi. 

 Trampi në fushatën për zgjedhjet presidenciale, që do të mbahen më 5 nëntor, përdori një seri sulmesh personale ndaj kandidates demokrate Kamala Harris, duke e quajtur atë "të ngadaltë" dhe "përtace", një fjalë që është përdorur prej kohësh si një term racist për të poshtëruar njerëzit me ngjyrë, për të këmbëngulur se ajo është një "person budalla", se ajo ka një koeficient intelegjent "të ulët" dhe duke pyetur nëse ajo është "në ndonjë drogë". qa/

Foto: EPA