Teheran, 22 shkurt 2026 (MIA) - Irani dhe Shtetet e Bashkuara të Amerikës kanë mendime të ndryshme për vëllimin dhe mekanizmin e heqjes së sanksioneve ndaj Teheranit në këmbim të kufizimit të programit të tij bërthamor, deklaroi sot një përfaqësur zyrtar iranian.

Ai tha se bisedime të reja midis Teheranit dhe Uashingtonit janë planifikuar për në fillim të marsit. Theksoi që Teherani mund të shqyrtojë seriozisht për kombinim të eksportimit të disa prej rezervave të tij të uraniumit të pasuruar në mënyrë të lartë, ndërsa për këmbim duhet të pranohet e drejta e Iranit për "pasurim bërthamor për qëllime paqësore".

"Negociatat po vazhdojnë dhe ekziston mundësia e arritjes së një marrëveshjeje të përkohshme", tha zyrtari.

Ministri iranian i Punëve të Jashtme, Abas Aragçi dy ditë më parë deklaroi se pret që draft i një kundërpropozimi të jetë gati brenda ditësh pas bisedimeve bërthamore me Shtetet e Bashkuara këtë javë, ndërsa Presidenti i vendit, Donald Trump, tha se po mendonte për një ndërhyrje të kufizuar ushtarake.

Përfaqësuesi i lartë zyrtar tha se Teherani nuk do të heqë dorë nga kontrolli mbi burimet e tij të naftës dhe mineraleve, por se kompanitë amerikane mund të marrin pjesë gjithmonë si kontraktorë në fushat iraniane të naftës. ls/

Foto: Arkivi i MIA-s