Ramshtajn, 9 janar 2025 (MIA) - Presidenti i Ukrainës, Volodimir Zelenski, sot në bazën ajrore amerikane Ramshtajn në Gjermani është takuar me sekretarin e përgjithshëm të NATO-s, Mark Rute.

"Fokusi ishte forcimi i mbrojtjes ajrore të Ukrainës dhe përfshirja e vendeve të NATO-s në furnizimin e armëve sipas modelit danez. Detyra e përbashkët e partnerëve tanë është të sigurojnë një pozicion të fortë për Ukrainën për të sjellë një paqe të drejtë dhe të qëndrueshme. Ne diskutuam gjithashtu se si mund të përdoret platforma e NATO-s për të arritur këtë qëllim", informoi Zelenski në X.

"NATO është e përkushtuar të vazhdojë mbështetjen tonë për Ukrainën, derisa ju mbroni veten dhe luftoni pa u lodhur për lirinë që të gjithë e kemi të dashur", shkroi Rute në X, duke postuar foto nga takimi me Zelenskin. mb/

Foto: Rute në X