Tajpei, 30 tetor 2024 (MIA) – Tajvani pret që tajfuni i fuqishëm Kun Rei të bie në tokë dhe dha paralajmërim për alarm para stuhisë, e cila do të sjellë shira të dendura dhe erëra të fuqishme në pjesën më të madhe të ishullit. 

Parashikohet që tajfuni do të jetë i kategorisë 4 kur do të bie nesër në mëngjes. Së pari do ta godasë bregun e banuar rrallë dhe malor lindor të Tajvanit në rrethin Taitung. Pastaj do të kalojë përgjatë pjesës jugore të Tajvanit, do të hyjë në Ngushticën e Tajvanit dhe do të niset drejt Kinës, njoftoi Drejtoria Qendrore Meteorologjike e ishullit. 

Shirat më të rrëmbyeshëm do të bien përgjatë bregut lindor të Tajvanit dhe në veri rreth kryeqytetit Tajpei gjatë ditës, shtoi administrata. 

Tajvani subtropikal është goditur shpesh nga tajfune. I fundit prej tyre, tajfuni Kraton, vrau katër persona më parë këtë muaj kur kaloi përgjatë pjesës jugore të ishullit. fc/

Fotografia: Arkivi i MIA-s