Pekin, 28 korrik 2023 (MIA) - Stuhia e shkaktuar nga tajfuni Doksuri goditi sot provincën Fuxhian të Kinës lindore, duke sjellë shi të dendur dhe erëra të forta në disa pjesë të Tajvanit.

Në provincën Fuxhian, më shumë se 400,000 njerëz janë evakuuar si masë paraprake, qindra anije janë kthyer në porte dhe transporti është pezulluar.

Gjithashtu, shkollat ​​verore janë mbyllur dhe banorëve u është kërkuar të qëndrojnë brenda.

Deri më tani nuk raportohet për të lënduar apo dëme të mëdha materiale.

Tajfuni goditi më parë Filipinet, ku të paktën 39 persona humbën jetën, 26 prej tyre në përmbysjen e një anijeje pasagjerësh dhe pjesa tjetër nga rrëshqitjet e dheut, përmbytjet dhe rënia e pemëve. Shtohet se rreth 20 janë të zhdukur dhe mijëra janë evakuuar.

Shumica e tajfunëve kanë tendencë të humbasin forcën pasi arrijnë në bregdet, pas së cilës ato mbeten në tokë, duke shkaktuar reshje të dendura shiu. sa/

Foto: EPA