Romë, 20 dhjetor 2024 (MIA) - Italia angazhohet për organizimin e konferencës së re paqësore për Ukrainën, por me pjesëmarrjen e Rusisë, Kinës, Brazilit dhe Indisë, deklaroi sot ministri italian i Punëve të Jashtme, Antonio Tajani.

Në një intervistë për Vatikan Njuz, ai tha se konferenca nuk mund të organizohet pa praninë e SHBA-së, të cilat i japin Ukrainës garanci për fuqi ekonomike dhe ushtarake që Evropa nuk e posedon.

Tajani potencoi se qëndrimi i Italisë për Ukrainën mbetet i pandryshuar, se ajo mbështet sovranitetin dhe integritetin territorial të atij vendi, por se nuk do të lejojë që Kievi të përdorë armë italiane në sulmet ndaj Rusisë.

“Qëndrimi jonë ishte shumë i qartë që në fillim: ne mbrojmë të drejtat e Ukrainës, por ne po përpiqemi të ndërtojmë një paqe të drejtë, që do të garantojë pavarësinë dhe lirinë e Ukrainës. Ne e dimë shumë mirë që ka sulmues dhe të sulmuar, por është koha për të ndërtuar një paqe të drejtë", tha Tajani. rq/bsh/

Foto: arkivi i MIA-s