Të paktën shtatë demonstrues e kanë humbur jetën në protestat në Bangladesh, ku kërkohet dorëheqje e kryeministres Sheik Hasina
- Të paktën shtatë persona e kanë humbur jetën, ndërsa dhjetëra janë lënduar në përleshjet e sotme në Bangladesh, ku policia ka përdorur gaz lotsjellës dhe shok-bomba që t'i shpërndajë dhjetëra mijë demonstruesit, të cilët kërkojnë dorëheqje nga kryeministrja, Sheik Hasina.
- Post By Besnik Shuki
- 13:16, 4 gusht, 2024
![Të paktën shtatë demonstrues e kanë humbur jetën në protestat në Bangladesh, ku kërkohet dorëheqje e kryeministres Sheik Hasina](https://new.mia.mk/images/20240804131611_big_730x400_31.webp )
Dakë, 4 gusht 2024 (MIA) - Të paktën shtatë persona e kanë humbur jetën, ndërsa dhjetëra janë lënduar në përleshjet e sotme në Bangladesh, ku policia ka përdorur gaz lotsjellës dhe shok-bomba që t'i shpërndajë dhjetëra mijë demonstruesit, të cilët kërkojnë dorëheqje nga kryeministrja, Sheik Hasina.
Trazirat, të cilat e kanë detyruar qeverinë të bllokojë disa prej shërbimeve të internetit, paraqesin testin më të madh të saj që nga protestat vdekjeprurëse në janar, kur Hasina e fitoi mandatin e katërt radhazi në zgjedhjet që janë bojkotuar nga partia kryesore nacionaliste opozitare e Bangladeshit.
Muajin e kaluar, të paktën 150 persona janë vrarë, mijëra janë lënduar dhe rreth 10.000 janë arrestuar pas demonstratave kundër kuotave për vende qeveritare të punës.
Protestat shpërthyen pasi Gjykata supreme i ka hequr pjesën më të madhe të kuotave, por studentët janë kthyer në rrugë javën e kaluar në protesta, duke kërkuar drejtësi. bsh/
Foto: Skrinshot