Astrahan, 16 nëntor 2023 (MIA) - Një ndërtesë pesëkatëshe pjesërisht u shemb në qendrën e qytetit Astrahan në Rusinë jugore, lajmëruan mediat lokale.

Shërbimet e ndihmës së shpejtë kanë mbërritur në vendin e fatkeqësisë. Sipas informacioneve të para, një grua humbi jetën, ndërsa disa persona udhëhiqen si të zhdukur.

Mbi 200 banorë janë evakuuar dhe për ta është krijuar strehim i përkohshëm. Dyshohet se një pjesë e shkallëve të ndërtesës janë shembur. Para shembjes është raportuar në Ministrinë e Emergjencave për një çarje në mur.

Guvernatori i qarkut, Igor Babushkin, konfirmoi se gruaja që vdiq në fatkeqësinë ka lindur në vitin 1939 dhe se kërkimet për më shumë njerëz janë në vazhdim.

Ai paralajmëroi ngritjen e një qendre kundër krizës dhe një linjë telefonike. Gjithsej 213 persona u evakuuan, nga të cilët 37 ishin fëmijë. Informacioni për të lënduarit është duke u përditësuar, kumtoi Ministria. Në shkollat ​​e rretheve u hapën tre pika akomodimi të përkohshëm, ku banorët morën ushqim të ngrohtë dhe ujë. sa/

Foto: X