Të paktën dy të vdekur gjatë rrëzimit të aeroplanit ushtarak rus në ndërtesën në Rusi
Moskë, 17 tetor 2022 (MIA) –– Të paktën dy persona e humbën jetën sot kur një aeroplan rus ushtarak u rrëzua në një ndërtesë banesore në Jejsk, në bregun e Detit Azov në jug të Rusisë në afërsi të Ukrainës, publikuan agjencitë e lajmeve ruse.
"Deri më tani dy persona kanë vdekur, ndërsa 15 janë hospitalizuar", kumtoi shërbimi lokal i Ministrisë së Situatave të Jashtëzakonshme të Rusisë.
Aeroplani Su-34 është rrëzuar gjatë një fluturimi trajnues pas fluturimit nga aeroporti ushtarak i Qarkut ushtarak jugor, me ç'rast karburanti i fluturakes ka marrë flakë dhe e ka përfshirë ndërtesën nëntëkatëshe.
Zjarri i ka përfshirë të paktën pesë prej nëntë kateve të ndërtesës, ndërsa sipas personave zyrtarë i ka përfshirë të paktën 17 banesa.
Pilotët kanë katapultuar nga fluturakja dhe janë të sigurt. Ata thanë se fatkeqësia është shkaktuar kur njëri nga motorët ka marrë flakë gjatë ngritjes.
