Kartum, 10 shtator 2023 (MIA) - Të paktën 30 persona kanë humbur jetën sot në një sulm me dron në një treg të hapur në pjesën jugore të kryeqytetit të Sudanit, Kartum, njoftuan aktivistët dhe punëtorët mjekësorë, në betejën e ushtrisë dhe një grupi të fuqishëm paraushtarak për pushtet në vend.

Të paktën 30 persona janë plagosur në Kartum deklaroi grupi aktivist i njohur si Komitetet e rezistencës, si dhe dy punonjës shëndetësorë nga Spitali universitar Bashir ku u dërguan.

Për momentin nuk dihet se cila palë në konflikt qëndron pas sulmit të sotëm. Artileria pa dallim dhe sulmet ajrore nga të dyja palët nuk janë të rralla në luftën e Sudanit, e cila e ka kthyer rajonin më të madh Kartum në një fushë beteje.

Luftimet midis ushtrisë së vendit të udhëhequr nga Abdel Fattah Burhan dhe Forcave paraushtarake të Mbështetjes së Shpejtë (RSF) të udhëhequr nga gjenerali Mohamed Hamdan Dagal kanë vazhduar që nga mesi i prillit.

Përleshjet u përhapën nga kryeqyteti në disa pjesë të vendit. Në zonën më të madhe të Kartumit, e cila përfshin qytetet Kartum, Omdurman dhe Bahri, trupat e RSF-së kanë marrë përsipër strehimin e civilëve dhe i kanë kthyer ato në baza operacionale. Si kundërpërgjigje, ushtria bombardoi zonat e banuara, thanë grupet e të drejtave dhe aktivistët.

Në rajonin perëndimor të Darfurit, ku u zhvillua një fushatë gjenocidi në fillim të viteve 2000, konflikti është përshkallëzuar në dhunë etnike ku anëtarët e RSF-së dhe militantët arabë aleatë kanë sulmuar grupet etnike afrikane, sipas Kombeve të Bashkuara.

Më shumë se 4.000 njerëz kanë vdekur në luftë, sipas shifrave të OKB-së në gusht, por mjekët dhe aktivistët besojnë se numri i vërtetë i vdekjeve është shumë më i lartë. mb/

Foto: arkiv/ilustrim