Kabul, 16 korrik 2024 (MIA) - Së paku 17 persona kanë humbur jetën dhe 34 janë lënduar në një aksident trafiku në Afganistan, njoftuan sot autoritetet lokale.

Ndër të vdekurit janë edhe tre fëmijë.

Pasagjerët u vranë kur një autobus u përmbys në distriktin Hinxhan, provincën Baglan.

Autobusi ishte në relacionin Kabul - provinca Farixhab, në veri të Afganistanit.

Hetimet për shkaqet e aksidentit janë duke vazhduar, por mediat vendase raportojnë se përmbysja e autobusit mund të ketë qenë pasojë e pakujdesisë së drejtuesit të automjetit. sa/

Foto: Arkivi i MIA-s