Damask, 19 gusht 2022 (MIA) - Në një sulm me raketa në tregun në Al Babu, në veri të Sirisë, humbën jetën të paktën 15 persona, ndërsa dhjetëra të tjerë janë lënduar. Sulmi në Al Babu ndodhi pasi para disa ditëve gjatë një sulmi ajror turk humbën jetën 11 ushtarë sirianë dhe luftëtarë kurdë. Observatori Sirian për të Drejtat e Njeriut për sulmin në Al Babu i akuzoi forcat qeveritare siriane, duke theksuar se kjo është hakmarrje për sulmin ajror turk. Turqia nga viti 2016 filloi tre operacione të mëdha ndërkufitare në Siri dhe po kontrollon disa pjesë të veriut të Sirisë, në mesin e të cilëve edhe Al Babu. fc/