Hodeida, 12 mars 2024 (MIA) - Të paktën 11 persona e kanë humbur jetën, ndërsa 14 janë plagosur në sulmet ajrore nga forcat amerikane dhe britanike ndaj objektivave të Huthëve në Jemenin perëndimor, deklaroi një zëdhënës i qeverisë së njohur ndërkombëtarisht të vendit.

Operacioni për mbrojtjen e anijeve tregtare përmes Gjirit të Adenit dhe Detit të Kuq, rrugës kryesore ujore, u krye dje. U prekën gjithashtu qytetet portuale dhe qytete të tjera.

Televizioni i huthëve raportoi të paktën 17 sulme, përfshirë në qytetin kryesor port të Hodeidas.

Grupi jemenas granatoi anijen e mallrave "Pinokio" në Detin e Kuq, deklaroi zëdhënësi i saj, duke e quajtur anijen "amerikane".

Megjithatë, doli se anija "Pinokio" po lundronte nën flamurin e Liberisë dhe ishte në pronësi të një kompanie me bazë në Singapor.

Të dielën, Shtetet e Bashkuara të Amerikës njoftuan se ajo dhe aleatët e saj kishin rrëzuar të paktën 28 ​​dronë të nisur nga grupi jemenas i lidhur me Iranin. qa

Foto: Arkivi i MIA-s