Tel-Aviv, 25 tetor 2023 (MIA) - Kryeministri izraelit Benjamin Netanjahu në një fjalim drejtuar kombit deklaroi se vendi është duke u “përgatitur” për një operacion tokësor në Gaza dhe se trupat tashmë kanë “eliminuar mijëra terroristë”.

"Të gjithë militantët e Hamasit janë të dënuar për dështim," thotë ai, duke shtuar se po punohet "gjatë gjithë kohës" për t'i shtypur ata. Ata janë njerëz të vdekur që ecin", thotë kreu i qeverisë izraelite.

"Ndodhemi në kulmin e luftës për ekzistencën tonë", theksoi Netanjahu dhe sqaroi se dy qëllimet janë shkatërrimi i Hamasit dhe kthimi i pengjeve. Ai deklaroi se kabineti funksionon “pa konsiderata politike”.

Netanjahu tha se Izraeli po përgatitej për një operacion tokësor, por nuk do të tregojë se kur dhe si. Ai nuk pranoi të jepte detaje mbi "konsideratat" për ofensivën tokësore, duke thënë se ato nuk ishin të njohura në opinion dhe se "kështu duhet të jetë".

“Dua të them shumë qartë, koha e operacionit të Forcave izralite të mbrojtjes (IDF) përcaktohet unanimisht nga kabineti që e drejton luftën së bashku me shefin e Shtabit të përgjithshëm”, thotë ai. "Ne po punojmë për të siguruar kushtet më të mira optimale për operacionet e tyre të ardhshme". mb/

Foto: printskrin