Kiev, 12 janar 2024 (MIA) - Kryeministri britanik Rishi Sunak shkoi për vizitë të papritur në Ukrainë, ku do të ketë takim me presidentin ukrainas Volodomir Zelenski, sepse Mbretëria e Bashkuar paralajmëroi se do të sigurojë gati 3 miliardë euro ndihmë ushtarake për atë vend gjatë vitit të ardhshëm, shkruan Gardian.

Siç është bërë e ditur, Zelenski u bën presion aleatëve perëndimorë që t'i japin mbështetje më të madhe vendit në luftën e tij kundër agresionit rus, duke pasur parasysh se interesimi për luftën në Evropë ulet siç po zvarritet konflikti. Kriza në Lindjen e Afërt dhe lufta në Gazë, gjithashtu, e tërhoqën vëmendjen globale nga konflikti ruso-ukrainas. 

Kryeministri Sunak e theksoi mbështetjen e vazhdueshme të Mbretërisë së Bashkuara për Kievin para takimit me Zelenskin, i cili vjen disa orë pasi forcat e Mbretërisë së Bashkuar dhe SHBA-ja filluan sulme kundër Huthëve në Jemen. 

"Për dy vjet, Ukraina luftoi me guxim të madh për të zmbrapsur pushtimin brutal rus. Ata ende po luftojnë, të palëkundur në vendosmërinë e tyre për të mbrojtur vendin e tyre dhe për të mbrojtur parimet e lirisë dhe demokracisë. Unë jam këtu sot me një porosi: Mbretëria e Bashkuar nuk do të lëkundet. Ne do të qëndrojmë pranë Ukrainës, në kohët e saj më të errëta dhe në kohët më të mira që do të vijnë", tha Sunak.

Përndryshe, Sunak e vizitoi Ukrainën për herë të parë në nëntor të vitit 2022, vetëm disa javë pasi u bë kryeministër. fc/

Fotografia: EPA