Kiev, 24 mars 2025 (MIA) - Në sulmin raketor rus në rajonin verior ukrainas Sumi, u lënduan 28 persona, kumtuan autoritetet lokale.

Guvernatori i rajonit, Vollodimir Artiuh, deklaroi se në sulmin janë qëlluar ndërtesa dhe shkolla. Sipas tij, në momentin e sulmit, në shkollë është kryer evakuimi i fëmijëve.

Ushtruesi i detyrës kryebashkiak i Sumit, Artem Kobzar konfirmoi se mes të lënduarve ka katër fëmijë, por nuk saktësoi nëse ata kanë qenë në shkollë gjatë kohës së sulmit.

Rusia deri tani nuk e komentoi këtë informatë. bsh/

Foto: Arkiv