Uashington, 3 maj 2024 (MIA) - Prokurorët federal amerikanë pritet të ngrenë akuza kundër një anëtari të Dhomës së përfaqësuesve, Henri Kuejar, demokrat i Teksasit, konfirmuan zyrtarët amerikanë për "Si-bi-es njuz.

Nuk dihen ende detajet e padisë dhe karakteri i akuzës. Kuejar në një deklaratë të sotme, theksoi se janë të akuzuar ai dhe gruaja e tij, jo se janë të pafajshëm në lidhje me këto pretendime. Kongresmeni tha gjithashtu se do të kandidojë për rizgjedhje në zgjedhjet e nëntorit dhe se ka kërkuar këshilla nga Komisioni i etikës së Dhomës së përfaqësuesve.

"Dua të jetë e qartë se as unë dhe as gruaja ime nuk jemi fajtorë për këtë akuzë. Gjithçka që kam bërë në Kongres është t'i shërbej popullit të Teksasit të Jugut," theksoi ai.

Mësohet se në janar të vitit 2022, Byroja federale e hetimit kreu një kontroll "të autorizuar nga gjykata" në shtëpinë e tij në Laredo. Avokati i tij tha në atë kohë se kongresmeni nuk ishte objektivi i një hetimi federal.

Kuejar bëri bujë tetorin e kaluar kur tha se tre persona të armatosur vodhën makinën e tij, ndërsa ishte i parkuar pranë shtëpisë së tij në Uashington. qa/