Kar, 9 janar 2024 (MIA) - Shtatë persona humbën jetën në Pakistan në një sulm me bombë ndaj punonjësve shëndetësorë të cilët vaksinonin kundër paralizës së fëmijëve.

Polici i cili ishte plagosur rëndë në sulmin e djeshëm me bombë në Pakistanin veriperëndimor ndërroi jetë sot në spital, me çka numri i të vdekurve në sulm për të cilin përgjegjësinë e ndërmorën talebanët e Pakistanit, u rrit në shtatë.

Në kumtesën e policisë bëhet e ditur se të paktën tre policë mbetën në gjendje kritike pas sulmit në rajonin Mamund, ish strehë e talebanëve pakistanezë në provincën Hajber Pahtunva, e cila kufizohet me Afganistanin.

Përgjegjësinë për sulmin menjëherë e ndërmorën talebanët pakistanezë. Megjithatë, në një pohim tjetër mbrëmë vonë, grupi Shteti Islamik i akuzoi talebanët pakistanezë se rrejshëm e ndërmarrin përgjegjësinë për sulmin me bombë. 

Vaksinimi në Mamund sot është ndërprerë. fc/

Fotografia: Arkivi i MIA-s