Bajdeni ka thënë në disa raste se ai nuk e ka ndërmend të dërgojë avionë luftarak në Ukrainë, por nuk e ka përjashtuar plotësisht këtë opsion. Xhon Kirbi, këshilltar për siguri kombëtare të Bajdenit dje deklaroi për gazetarët se vendimi i Polonisë të dërgojë katër avionë luftarak që paraqet shmangie nga anëtarët e tjerë të NATO-s, nuk do të ndryshojë procesin e marrjes së vendimeve në SHBA.

"Ai nuk ndryshon matematikën tonë lidhur me F-17", ka thënë Kirbi duke shtuar: Këto janë vendime sovrane që çdo vend i merr për vete. Ne i respektojmë ato vendime sovrane. Ata vetë do ta shohin çfarë të dërgojnë dhe si do të karakterizohet ajo”.

Kirbi, madje nuk pranoi të komentojë vendimin e Polonisë, duke thënë se "nuk i takon SHBA-së ta cilësojë vendimin e Polonisë në këtë apo atë mënyrë".

"Së pari, brenda disa ditësh do të dërgojmë, me sa di, katër avionë në Ukrainë që janë plotësisht të gatshëm për fluturim", tha Andzhej Duda në konferencën për shtyp.

"Të tjerët po përgatiten, po servisojnë", shtoi ai.

Kryeministri polak Mateush Moravjecki deklaroi se avionët mund të dorëzohen brenda katër deri gjashtë javë. Duda tha se Polonia ka 10 deri në 20 avionë MiG-29. Edhe Sllovakia po mendon dërgimin e këtyre avionëve në Ukrainë, por ende nuk ka marrë ndonjë vendim.