Tiranë, 12 prill 2023 (MIA) – Një kompani gjermane padit qeverinë shqiptare para Gjykatës së Arbitrazhit për një mosmarrëveshje lidhur me koncesionin e Portit të Durrësit.

Akuza vjen nga kompania gjermane EMS Shipping & Trading, e cila e ka regjistruar rastin më 7 prill, ndërsa këtë e konfirmon edhe reporteri i arbitrazhit të investimeve.

Në vitin 2013, kompania mori të drejtën e një kontrate koncesionare për të operuar në terminalin e mbyllur të Portit të Durrësit, për ngarkimin dhe shkarkimin e anijeve.

Ankesa e kompanisë gjermane i referohet zhvendosjes që do të kryhet në terminalin e mallrave në Porto Romano, pas nënshkrimit të kontratës me kompaninë “Alabar” nga Dubai për transformimin e portit. Sipas tyre, me marrëveshjen e re nuk është e sigurt vazhdimi i aktivitetit koncesionar të EMS", shkruan Ora Njuz.

Kompania EMS ka ende rreth 25 vite nga kontrata e saj 35-vjeçare, ndërsa fitimi i saj në vitin 2021 llogaritet në rreth 1.3 milionë euro.

"Kjo akuzë vjen pak ditë pas vendimit përfundimtar të Arbitrazhit për dëmshpërblim nga qeveria shqiptare ndaj biznesmenit italian.

Francesco Becchetti, i cili duhet të marrë dëmshpërblim prej 110 milionë eurosh. Pas këtij vendimi, Rama paralajmëroi se Shqipëria nuk do të bëjë asnjë pagesë dhe vendi do të largohet nga juridiksioni i kësaj gjykate, shton televizioni.

Sipas mediave, pas vendimeve të Gjykatës së Arbitrazhit, Shqipëria duhet të paguajë 1.5 miliardë euro për individët dhe kompanitë. ls/

Foto: MIA arkiv