Tiranë, 11 dhjetor 2024 (MIA) - Pas betejës për vulën dhe logon, Sali Berisha tashmë është regjistruar edhe zyrtarisht në regjistrin gjyqësor si kryetar i Partisë Demokratike.

Në vendimin e gjykatës thuhet se "kryetar i Partisë Demokratike të Shqipërisë është zoti Sali Berisha" dhe se vendimi është marrë me "kërkesë të subjektit të interesuar".

Me këtë përfundimisht pas 3 viteve përfundoi beteja ligjore në gjykatë për fatin e partisë më të madhe opozitare në vend.

Berisha dhe mbështetësit e tij pushtuan me forcë selinë e partisë në mesin e dhjetorit të vitit 2021, por të drejtën e përdorimit të vulës dhe logos e morën më 11 korrik të këtij viti, pas vendimit të Gjykatës së Apelit.

Për shkak të kësaj, krahu i Berishës, që është më i shumtë se ai i Lulzim Bashës, në zgjedhjet e fundit vendore, më 14 maj të vitit të kaluar, u shfaq nën logon e Partisë së Lirisë të Ilir Metës.

Mosmarrëveshjet në radhët e partisë nisën pasi Berisha u shpall i padëshirueshëm nga SHBA-ja në maj të vitit 2022, pas së cilës me kërkesë të ambasadores së atëhershme amerikane Juri Kim, Basha e përjashtoi nga partia dhe i hoqi titullin president nderi. 

Pastaj filluan keqkuptimet në partinë e cila po kalonte krizën më të thellë. Megjithatë, shumica e anëtarëve dhe deputetëve janë me Berishën.

Basha tani kryeson grupin PD-Demokratët euroatlantikë dhe ka vetëm 7 deputetë në parlament, krahasuar me Berishën që ka 45 deputetë.

Basha, përndryshe, ishte bashkëpunëtori më i afërt i Berishës, me propozimin e të cilit u zgjodh kryetar i partisë në vitin 2013, pas humbjes së Berishës në zgjedhjet parlamentare, ai u largua nga pozicioni kryesor. mb/

Foto: Partia Demokratike