Islamabad, 24 tetor 2024 (MIA) - Të paktën 11 persona janë plagosur dje, mes tyre edhe fëmijë, në një shpërthim që ka ndodhur në një treg të mbushur me njerëz në Kabul, kryeqyteti i Afganistanit, njoftoi një organizatë ndërkombëtare joqeveritare.

 Tani për tani nuk dihet se çfarë e ka shkaktuar shpërthimin, ndërsa askush nga autoritetet talebane nuk ishte i disponueshëm për koment.

Shpërthimi ka ndodhur në një treg ku shitet rroba të përdorura në komunën Pamir Sinema, publikoi organizata për raste urgjente, e cila drejton spitalin kirurgjik në Kabul.

 Zëvendësdrejtori i degës lokale të organizatës, Stefano Xhenaro Smirnov deklaroi se në mesin e të plagosurve janë një fëmijë tre vjeç dhe një fëmijë katër vjeç, ndërsa një burrë është në gjendje kritike.

 Ekstremistët në Afganistan i kanë forcuar aktivitetet e tyre që kur talebanët u kthyen në pushtet në vitin 2021, duke rrëzuar qeverinë e mëparshme pro-perëndimore në fund të tërheqjes së trupave amerikane dhe aleatëve të tyre të NATO-s nga vendi.

 Ekstremistët zakonisht synojnë talebanët dhe anëtarët e pakicës myslimane shiite.

Foto: Arkivi i MIA-s