Moskë, 10 shtator 2024 (MIA) -  Sekretari i Këshillit të Sigurimit të Rusisë, Sergej Shojgu, sot deklaroi se Rusia nuk do të zhvillojë kurrfarë negociatash me Kievin përderisa nuk i "dëbon terroristët ukrainas nga rajoni i Kurskut".

"Nuk kemi zhvilluar kurrfarë negociatash me terroristët, nuk zhvillojmë dhe nuk do të zhvillojmë përderisa nuk i dëbojmë nga territori ynë. Dëshira për të kryer terror bërthamor kundër termocentralit bërthamor Kursk nuk është gjë tjetër veçse niveli më i lartë i terrorizmit", tha Shojgu në një intervistë për TV kanalin Rusia 24.

 Sipas tij, "terroristët ukrainas" kanë dashur ta marrin termocentralin bërthamor Kursk.

 "Fatmirësisht, nuk patën sukses", theksoi Shojgu.

 Foto: Arkivi i MIA-s