SHBA: Sulmi izraelit ndaj VCK-së nuk do të ndikojë në negociatat rreth armëpushimit në Gazë
- SHBA nuk pret që sulmi izraelit ku u vranë shtatë punëtorë të Kuzhinës qendrore botërore (VCK) në Gazë të ndikojë në negociatat për armëpushim midis Izraelit dhe Hamasit dhe lirimin e pengjeve dhe të burgosurve palestinezë, njoftoi sot Shtëpia e Bardhë.
- Post By Qefsere Abduli
- 19:51, 3 prill, 2024
![SHBA: Sulmi izraelit ndaj VCK-së nuk do të ndikojë në negociatat rreth armëpushimit në Gazë](https://new.mia.mk/images/20240403190927_big_730x400_49.webp )
Uashington, 3 prill 2024 (MIA) - SHBA nuk pret që sulmi izraelit ku u vranë shtatë punëtorë të Kuzhinës qendrore botërore (VCK) në Gazë të ndikojë në negociatat për armëpushim midis Izraelit dhe Hamasit dhe lirimin e pengjeve dhe të burgosurve palestinezë, njoftoi sot Shtëpia e Bardhë.
"Negociatat rreth armëpushimit dhe pengjeve janë duke vazhduar", tha në konferencë shtypi zëdhënësi i Sigurisë kombëtare të Shtëpisë së Bardhë, Xhon Kirbi.
Ai shtoi se nuk pret "ndonjë ndikim të veçantë" nga sulmi i djeshëm izraelit mbi negociatat. VCK njoftoi dje se po ndërpret punën në Gazë pas sulmit që vrau shtatë punëtorët e saj.
Organizata njoftoi se automjeti i saj u sulmua në qendër të Gazës të hënën vonë pasi punëtorët ndihmuan në dërgimin e ushqimeve dhe furnizimeve të tjera në Gazën veriore që kishin mbërritur disa orë më parë. qa/