SHBA planifikon të forcojë mbrojtjen ajrore të Ukrainës
- Shtetet e Bashkuara synojnë të forcojnë edhe më tej mbrojtjen ajrore të Ukrainës, deklaroi sekretari amerikan i Mbrojtjes Lojd Ostin në takimin me homologun e tij ukrainas Rustem Umerov në Pentagon, njoftoi DPA.
![SHBA planifikon të forcojë mbrojtjen ajrore të Ukrainës](https://new.mia.mk/images/20240831110310_big_730x400_30.webp )
Uashington, 31 gusht 2024 (MIA) - Shtetet e Bashkuara synojnë të forcojnë edhe më tej mbrojtjen ajrore të Ukrainës, deklaroi sekretari amerikan i Mbrojtjes Lojd Ostin në takimin me homologun e tij ukrainas Rustem Umerov në Pentagon, njoftoi DPA.
Ostin tha se SHBA planifikon të forcojë më tej mbrojtjen ajrore të vendit dhe kjo do të diskutohet në takimin e Grupit të Kontaktit për Ukrainën javën e ardhshme në bazën ajrore Ramshtajn në Gjermani.
“SHBA dhe aleatët e saj do të vazhdojnë të ofrojnë pajisje kyçe që Kievit i duhen për t'u mbrojtur kundër pushtimit të vazhdueshëm rus, i cili filloi në shkurt 2022", tha Ostin.
Umerov falënderoi SHBA-në dhe aleatët e saj për mbështetjen e tyre dhe tha se do të informojë Ostinin për situatën në fushën e betejës dhe nevojat aktuale të ushtrisë ukrainase.
Si-En-En më parë publikoi, duke iu referuar një zyrtari ukrainas, se Kievi gjithashtu planifikon t'i paraqesë qeverisë amerikane një listë të objektivave të mundshëm në Rusi.
Deri më tani, Shtetet e Bashkuara kufizonin përdorimin e armëve të tyre vetëm për të refuzuar ofensivën ruse në territorin e Ukrainës. ls/
Foto: EPA