Uashington, 19 nëntor 2024 (MIA) - Zëvendës sekretari amerikan i Shtetit, Brajan A. Nikols konfirmoi zyrtarisht se Shtëpia e Bardhë ka lejuar Ukrainën të shfrytëzojë armë me rreze të gjata veprimi për sulme ndaj territorin rus.

Ai theksoi se konflikti filloi me pushtimin e paprovokuar ndaj Ukrainës nga Rusia. Sipas tij, Rusia kontrollon se sa do të zgjas lufta dhe vendimi për t'i dhënë fund konfliktit varet tërësisht nga veprimet e Moskës.

Nikols theksoi se lufta mund të përfundojë menjëherë nëse Rusia tërheq trupat e saj nga Ukraina dhe fillon të respektojë kufijtë e saj.

Sipas tij, miratimi i presidentit të SHBA-së, Xho Bajden, që Kievi të mund të përdorë armë me rreze të gjata veprimi, mund të përforcojë aftësinë e Ukrainës për ta mbrojtur territorin e saj.

Nikols shfaqi shpresë se vendimi i Bajdenit mund ta shtyjë Rusinë të njohë pakuptimsinë e veprimeve të saj dhe të fillojë bisedime paqesore ose të tërhiqet krejtësisht nga Ukraina.

Administrata e Bajdenit dy ditë më parë, miratoi përdorimin e armëve amerikane për sulme ndaj Rusisë. Sipas portalit Aksios, përdorimi i armëve me rreze të gjata veprimi është ende i kufizuar në rajonin Kursk. Por, burime anonime deklaruan për "Uolstrit xhërnal" se Uashingtoni sipas të gjitha gjasave planifikon të zgjerojë zonën. rq/bsh/

Foto: Departamenti i shtetit