Ushington, 24 prill 2024 (MIA) - Senati amerikan miratoi mbrëmë një paketë ndihme prej 61 miliardë dollarësh për Ukrainën, e cila ndodhi pas disa muajsh ngecje për shkak të kundërshtimit të krahut të fortë në Partinë Republikane, raportoi DPA.

Në paketën e ndihmës amerikane për sigurinë, me vlerë prej 95 miliardë dollarë, përveç Ukrainës, janë përfshirë edhe Izraeli dhe Tajvani, shtoi agjencia gjermane. Paketa e ndihmës përfshin 61 miliardë dollarë për Ukrainën, 26 miliardë dollarë për Izraelin dhe rreth 8,12 miliardë dollarë për "kundërshtimin e Kinës komuniste" në Indo-Paqësorin.

Për miratimin e ligjit votuan 79 senatorë, ndërsa kundër ishin 18, që është shumë më tepër se shumica e kërkuar në Senat prej 100 anëtarësh për miratimin e ligjit.

Sipas procedurës kushtetuese, ligji tani duhet të nënshkruhet nga presidenti i Shteteve të Bashkuara të Amerikës, Xho Bajden. sa/

foto: Arkivi i MIA-s