Moskë, 22 korrik 2023 (MIA) - Së paku katër persona e kanë humbur jetën kur një tub me ujë të nxehtë ka shpërthyer në Qendrën tregtare "Sezoni" në kryeqendrën ruse Moskë, konfirmoi për TASS kryebashkiaku i kryeqendrës ruse, Sergej Sobjanin.

Të gjithë personat që kanë pësuar kanë qenë të punësuar në supermarketin "Gurmani global" që ndodhet në pjesën nëntokësore të Qendrës tregtare.

Fillimisht u publikua se janë nëntë të plagosur, por shërbimet ruse të shpëtimit nuk e përjashtojnë mundësinë që numri i tyre të rritet.

Sipas një dëshmitari okular, pasi ka shpërthyer tubi për ujë të nxehtë në Qendrën tregtare, nuk është kyçur alarmi i evakuimit.

Foto: Arkivi i MIA-s