Islamabad, 29 shtator 2023 (MIA) - Të paktën 52 persona kanë humbur jetën, ndërsa 50 janë lënduar në sulmin e sotëm vetëvrasës në një tubim fetar në provincën pakistaneze të Beluçistanit, njoftojnë zyrtarët policorë.

Sulmi me bombë ka ndodhur në zonën Mastunga, në afërsi të xhamisë në kohën e tubimit fetar me rastin e ditëlindjes së profetit Muhamed, publikuan mediat britanike.

Sulmuesi ka aktivizuar mjetin shpërthyes në afërsi të veturës së zëvendësshefit të policisë, deklaroi përfaqësuesi i policisë.

Të lënduarit janë dërguar në spitalet më të afërta në qytetin e Mastungit.

Ministri i Punëve të Brendshme, Sarfaz Bugti tha se bombardimi është "një akt i tmerrshëm".

Tehrik-e-taliban Pakistan mohon kryerjen e sulmit për të cilin ende askush nuk ka marrë përgjegjësi. Myslimanët në Pakistan dhe bota festojnë ditëlindjen e profetit islam duke mbajtur tubime publike. rq/

Foto: arkivi i MIA-s