Gazë, 1 dhjetor 2024 (MIA) - Së paku 40 civilë, mes të cilëve gra dhe fëmijë, mbrëmë e humbën jetën në sulmin izraelit ndaj një ndërtese banimi në lagjen Tel al Zataru, në kampin e refugjatëve Xhabalia, në veri të Rripit të Gazës, lajmëroi agjencia palestineze e lajmeve VAFA.

Agjencia thekson se shumica e palestinezëve akoma ndodhen nën rrënoja të ndërtesës.

Burimet mjekësore kumtuan se mbi 100 palestinezë dje janë vrarë në sulmet izraelite ajrore në Gazë.

Së paku 44.363 palestinezë janë vrarë, ndërsa mbi 105.070 janë plagosur në sulmet izraelite ndaj Rripit të Gazës nga tetori i vitit të kaluar, thekson Ministria palestineze e Shëndetësisë në Gazë. ab/

Foto: ЕPА