Rusia shpalli gjendje të jashtëzakonshme në rajonin kufitar Kursk
- Rusia shpalli gjendje të jashtëzakonshme në rajonin kufitar Kursk katër ditë pasi që qindra ushtarë ukrainas e kaluan kufirin dhe e sulmuan rajonin.
- Post By Arta Bunjaku
- 14:57, 9 gusht, 2024
![Rusia shpalli gjendje të jashtëzakonshme në rajonin kufitar Kursk](https://new.mia.mk/images/20240809145739_big_730x400_61.webp )
Kiev, 9 gusht 2024 (MIA) - Rusia shpalli gjendje të jashtëzakonshme në rajonin kufitar Kursk katër ditë pasi që qindra ushtarë ukrainas e kaluan kufirin dhe e sulmuan rajonin.
"Situata operative në rajonin Kursk mbetet e rëndë", deklaroi ushtruesi i dteyrës guvernator i Kurskit, Aleksej Smirnov, në kanalin Telegram.
Shërbimet sociale dhe shoqatat e qytetarëve u organizuan për t'iu ofruar ndihmë njerëzve të cilët ishin të detyruar t'i braktisin shtëpitë e tyre për shkak të luftimeve, shtoi ai.
Nga rajoni Kursk janë evakuuar rreth 3.000 banorë.
Ka pak informata të sigurta për operacionin e befasishëm ukrainas, ndërsa qëllimet e saj strategjike edhe më tej janë të paqarta.
Autoritetet ukrainase refuzuan të komentojnë konkretisht për sulmin, që po ndodhë rreth 500 kilometra në jugperëndim të Moskës. ab/
FOto: EPA