Kiev, 1 dhjetor 2024 (MIA) - Rusia gjatë natës sërish e sulmoi Kievin me dronë sulmues, ndërsa gjatë një sulmi të tillë ndaj qytetit jugor ukrainas Herson jetën e humbën së paku tre persona, kumtuan sot autoritetet e qytetit.

Autoritetet e qytetit të Kievit kumtuan se gjatë natës Rusia lansoi fluturake sulmuese pa pilot ndaj kryeqytetit ukrainas.

"Mbrojtja kundërajrore ukrainase shkatërroi dhjetëra dronë mbi qytet", deklaroi Serhi Popko, shef i administratës ushtarake të Kievit.

"Tani për tani nuk ka raportime për të lënduar nën rrënoja në një rajon të qytetit", shtoi ai.

Korrespondentët e agjencisë Rojteers sot në mëngjes sërish dëgjuan shpërthime mbi qytet, gjatë sulmit të dytë ajror.

Rusia rregullisht lanson raketa dhe dronë ndaj lagjeve ukrainase larg linjave të para të frontit në invazionin e saj pothuajse trevjeçar, të kahëzuar drejt rrjetit energjetik, posaçërisht para dimrit.

"Së paku tre persona e humbën jetën në sulmin me dron ndaj qytetit jugor ukrainas Herson, ndërsa shtatë janë plagosur në sulmin e sotëm ndaj qytetit, cak i të cilit ishte transporti publik", shkroi Oleksandr Prokudin në kanalin Telegram.

Forcat ruse u tërhoqën nga Hersoni nga fundi i vitit 2022, por rregullisht e sulmojnë kryeqytetin rajonal me artileri dhe fluturake pa pilot nga ana tjetër e lumit Dnjepër.

Katër persona e humbën jetën, ndërsa së paku 24 janë lënduar në sulmin rus gjatë natës ndaj qytetit industrial ukrainas Dnjepropetrovsk, kumtuan sot në mëngjes autoritetet ukrainase.

"Nga 24 të lënduarit, 18 janë në spital, ndërsa shtatë janë në gjendje kritike", deklaroi guvernatori rajonal, Serhij Lisak në Telegram. Mes të lënduarve është edhe një djalë 11-vjeçar.

është sulmuar edhe fshati Zariçanka, jo larg kryeqytetit të rajonit, ndërsa në të janë dëmtuar disa ndërtesa banimi dhe shitore. ab/

foto: МIА arkivi