Stamboll, 15 dhjetor 2024 (MIA) – Rreth 7.600 emigrantë sirianë kanë kaluar kufirin turk dhe janë kthyer në vendin e tyre pas rënies së regjimit të presidentit sirian Bashar al-Asad një javë më parë, deklaroi sot ministri për Punë të Brendshme i Turqisë.

Numri i përgjithshëm i sirianëve të cilët "u kthyen vullnetarisht nga Turqia" nga 9 deri më 13 shtator arriti në 7621, shkroi Ali Jerlikaja në një postim të publikuar në Iks.

Rebelët e udhëhequr nga islamistët hyrën në Damask dhe rrëzuan Asadin nga froni më 8 dhjetor.

Ministri turk i Mbrojtjes, Jashar Gjuler tha poashtu sot se Ankaraja është "e gatshme të ofrojë ndihmë ushtarake nëse qeveria e re siriane e kërkon atë".

“Turqia është e gatshme të ofrojë ndihmën e nevojshme nëse qeveria e re e kërkon atë", tha ministri, transmetojnë mediat lokale.

Gjuler shtoi gjithashtu se duhet t'u jepen shanse autoriteteve të reja në Damask të cilët udhëhiqen nga rebelët islamikë.

Foto: Iks